Արքայադուստր Դիանայի վարտիքով նկարները հեղեղել են Չինաստանը
Ներքնազգեստ արտադրող չինական ընկերությունը մեղադրվում է «Արքայադուստր Դիանայի հիշատակը շահագործելու» համար։
Jealousy International ընկերությունը Չինաստանով մեկ մեծ պոստերներ է կախել, որոնց վրա պատկերված է արքայադուստր Դիանան՝ միայն ներքնազգեստ հագած, որը, չգիտես ինչու, փոքրիկ երեխայի համար թավջութակ է նվագում։
Նկարի մակագրությունն ասում է. «Զգացեք բրիտանական թագավորական ընտանիքի ռոմանտիկությունը. Դիանայի վարտիքը»։
Հիշեցնենք, որ Լեդի Դին մահացել է 1997թ. օգոստոսի 31–ին՝ ավտոճանապարհային պատահարի հետևանքով։
Ի դեպ, բրիտանական օրենքը թույլ չի տալիս գովազդի նպատակով օգտագործել թագավորական ընտանիքին պատկանող անձանց իմիջը, սակայն, ցավոք, բրիտանական օրենքները չեն տարածվում Չինաստանի վրա։
Tert.am